Ah t'es Wallon !!

Qwè dis’ ? Nos n’ voulons nén atrapér in gros goyî, mins conart, c’èst vrémint bén djusqu’ô d’ dibout, paç’ qui, donér dès chicons ôs-ârtisses sins gangnî ène çanse, c’è-st-ène afère !

Comint fé pou vinde in conart nonante neuf eûros èt n’ rén gangnî ? C’è-st-ôjîye : nos pèrdons lès liârds, èt nos lès r’donons sins ratinde. I n’ nos rèste nén minme ène dinguèle ! C’èst ça, conart !

A qwè ç’ qui ça chève, d’abôrd ?
A rén ! A rén du tout ! C’èst ça qu’èst bia... C’èst djusse pou qui lès-ârtisses pouvîche fé leû bèsogne, èyèt c’èst bén insi !

Vos-astèz in-ârtisse : vos r’çuvèz trwès satchots d’ fritches, vos dèssinèz, vos fèyèz dès pintures, ; vos nos lès donèz, èyèt nous-ôtes nos l’sè stitchons dins-n-in câde, nos lès mètons a vûwe, nos lès vindons èyèt nos vos donons dès chicons. Nous-ôtes, nos ’stons maflès, mins contints !

Alèz, vos n’ pouvèz mô... Fèyèz-in yun, vos dalèz vîr... Du pléji ? Bén seûr !

Nos n’astons qu’ô couminch’mint avè conart, mins stitchèz bén ç’ no la dins vo tièsse paç’ qui vos dalèz vîr, nous dalons tout skètér ! Èyèt si vos v’lèz fé ène saqwè pou nous-ôtes, fèyèz-l’ sawè a vos coumarâdes !